နေပြည်တော်၊ အောက်တိုဘာလ  ၁၆

   ပြည်တွင်းအခွန်များဦးစီးဌာန ၊ ရုံးအမှတ် ၄၆ ၊ နေပြည်တော်၊ အစည်းအဝေးခန်းမ၌  ၁၆-၁၀-၂၀၁၈ ရက်နေ့ မွန်းလွဲ ၁၃:၀၀ နာရီတွင် ဥရောပသမဂ္ဂ (EU) မှ အကြံပေးပညာရှင် Mr. Ray Watkins က လူ့စွမ်းအားအရင်းအမြစ်ဆိုင်ရာကိစ္စရပ်များနှင့်စပ်လျဉ်း၍  ရှင်းလင်းတင်ပြ ခဲ့ပါသည်။အဆိုပါရှင်းလင်းပွဲတွင် ပြည်တွင်းအခွန်များဦးစီးဌာနအတွက် လူ့စွမ်းအားအရင်းအမြစ်ဆိုင်ရာ ကိစ္စရပ်များနှင့်စပ်လျဉ်း၍ အကဲဖြတ်ဆန်းစစ်ချက်များ၊ သုံးသပ်ချက်များနှင့် အကြံပြုလိုသည်များကို ရှင်းလင်းတင်ပြခဲ့ကြောင်းသိရှိရပါသည်။အဆိုပါရှင်းလင်းပွဲသို့ ပြည်တွင်းအခွန်များဦးစီးဌာန၊ ညွှန်ကြားရေးမှူးချုပ် ဦးမင်းထွဋ်၊ ဒုတိယညွှန်ကြားရေးမှူးချုပ် (စီမံရေးရာ) ဦးကျော်ကျော်၊ ဒုတိယညွှန်ကြားရေးမှူးချုပ်( အခွန်ဆိုင်ရာ ပြုပြင်ပြောင်းလဲရေး) ဒေါ်မြမြဦး၊ ဌာနခွဲညွှန်ကြားရေးမှူးများနှင့် တာဝန်ရှိသူများ တက်ရောက်ခဲ့ကြကြောင်း သိရှိရပါသည်။